Encuentros Poéticos En El Antiguo Instituto: Xuan Bello

Presenta: Miguel Rojo Música: Dani García de La Cuesta Xuan Bello (Paniceiros, 1965) ye ún de los escritores asturianos meyor valoraos, dientro y fuera d?Asturies, del actual panorama lliterariu. Como poeta escomenzó bien llueu la so xera en 1982, cuando publica «Nel Cuartu Mariellu»; con too y con eso, la so obra poética naz col «Llibru de les cenices» (1988) y sobre too con «Los nomes de la tierra» (1990). Autor de más de trenta llibros (onde se reúnen ficción, poesía y ensayu), diose a conocer nel Estáu con una novela, «Historia Universal de Paniceiros», pola que se-y coincedió?l premiu de narrativa Villa de Madrid «Ramón Gómez de la Serna» en 2003. Traducíu a mui bien delles llingües, los sos dos últimos llibros son «Unas poucas cousas guapas» y «Escrito nel xardín». Collaborador habitual de la prensa asturiana y estatal, dirixe y produz el programa de conversaciones Clave de Fondo, de TPA. Poema ALCORDANZA Y PRESENTIMIENTU La gata Prúa, sele como la lluna, traviesa la traviesa infancia la mio fía. Inconsciente de que namás ye un símbolu mueve?l rau, estírase, xuega a murar solombres qu?afuxen. Solemne, intacta, inmóvil sabe que ye malapenes alcordanza y presentimientu. Acaricia, fía mía, nel llombu de Prúa la infancia de va tantos años. (Tamién toi yo, si mires un poco).

Array

Escribe tu opinión

Debes estar conectado para escribir una opinión.

¿Informar esto?

Enviar a un amigo

Enviar consulta

Reclamar Punto

¿Cuál es el proceso de reclamo?