Alcuentros Poéticos Nel Antiguu Institutu: Susana Sela Rodríguez

Presenta: Daniel García de La Cuesta Música: Luis Núñez Susana Sela Rodríguez ñació n?Uviéu nel 1968, pero ye avilesina de vivencia. Nel 2004 algama el premiu Fernán Coronas col poemariu Cuantayá que Dios fuxó, editáu por Trabe. Tien delles collaboraciones nel boletín Lletres Asturianes. Ye autora de cuentos pa talleres etnográficos de la Asociación Escontra?l Raigañu y de los testos de «Inda Suenen», escritos xunta con Borja Roces. Nel 2014 autoedita con Amazón el poemariu Ausencies/Ausencias, n?edición billingüe asturianu/castellanu, participa nel poemariu Poética de muyeres, del Grupu Epona, y entama a trabayar col músicu Luis Núñez. Anguañu, ye un componente más del grupu Luis Núñez y los Folganzanes, nel que participa como lletrista. Poema Foi una nueche incomprendida, fería fonda pela que corrí como?l sangre. Como un páxaru qu?esnala pelos ríos amarguríos de la impotencia, escrita con tinta prieto nes engurries inacabaes de la esperiencia. Un puntu y aparte, una nota muda nun pentagrama, recortada nes solombres, nel recuerdu enguedeyada. Y nun fuisti a siguime. Descosíes les tos botes de siete llegües, espetesti los calcaños selemente nesa muerte rutinaria impertinente. Y col ánimu resecu del desencantu, reguerando a pingarates la mio vida, percorrí sola?l destín ensin futuru. Y equí sigo, alendando?l desalientu, esfaciendo la cabeza escontra?l muru.

Array

Escribe tu opinión

Debes estar conectado para escribir una opinión.

¿Informar esto?

Enviar a un amigo

Enviar consulta

Reclamar Punto

¿Cuál es el proceso de reclamo?